我願當樓奴

各位FF下, 係真事來......

1. 同家人同住公屋

公屋租金平過私樓單位, 政府樓間格又實用, 最好間公屋自己冇名, 話知你人工加到幾多, 都唔會比房署再評你租.

2. 有2層或以上既收租樓

自住公屋既你, lam盡政府褔利, 生活開支較低既情況下, 另你係好易儲到首期, 亦被你係合適既時機買入私樓作收租用途. 再經過一連串財技(轉按, 加按…)後, 又一開二, 二開三如此類推. 你亦要好有瞻色地係樓市低潮時買入.

3. 有左收租樓既你, 可能是做7按或5按, 租金收入扣除供款地租差响交稅, 淨利可能就係你租金收入中既3-4成. 呢D錢就係你儲來用作人生既第二project :結婚.

儲錢結婚呢個階段, 作為收租佬既你, 一定要好好對侍你既租客, 就係佢地為你將來既婚禮作出好大既共獻.

4. 結左婚既你, 已手持兩個物業, 你家既公屋需然實用, 但為免將來有婆媳不和, 當然都會搬出去過二人世界啦. 呢個時候, 你就可以請走你其中一個物業既租客. 收回單位自住啦.

5. 為左計劃將來生小朋友, 你亦都開始計劃換樓; 由2房換3房, 由於細單位升得快過3房大單位, 呢幾年租金淨收入+自己儲錢, 另你好順利咁補100幾十萬就換到件同區3房單位.

如果條路係咁行, 我唔介意比人笑我係樓奴,嘲笑你既朋友會列舉出數以百個理由不買樓, 而你亦都無需要去跟對方辯論, 你輕輕笑而不語. 露出人生嬴家既表情, 對方心裡己經相當難受!